Ang Bagyong Kristine

     Sa panahon ngayon, sunod-sunod na bagyo ang dumarating sa ating bansang Pilipinas. Tulad na lamang sa bagyong Kristine, ang bagyong Kristine ay nagdulot ng maraming pinsala lalo na sa lugar ng Bicol. Ang bagyong Kristine ay naging dahilan ng pagkasira ng mga estruktura sa bawat lugar at dahil din dito, nagkaroon ng sunod-sunod na pagsuspendido ng klase.

     Ang bagyong Kristine ay nagdala ng mabigat hanggang sa matinding pag-ulan sa buong Pilipinas. Higit pa rito, ito ay isa sa mga bagyong nagdulot ng maraming pinsala sa Pilipinas. Ito ay isa sa mga malubhang bagyong tropikal na nangyari noong Oktubre taong 2024. Ang lugar ng Bicol ang nasalanta nang sobra sa bagyong ito na kung saan lumubog na ang ibang pamamahay ng iba. Iba’t ibang pinsala ang naidulot nitong bagyong Kristine sa ating bansa. Tulad ng pinsala sa mga estruktura at pagkasawi ng mga ilang indibidwal. Naapektuhan din ng bagyong ito ang paghahanapbuhay ng mga indibidwal at pag-aaral ng mga mag-aaral sa kadahilanang pinahihirapan nito ang pagpunta ng mga tao sa kanilang patutunguhan. Gayunpaman, natapos man na ang bagyong Kristine na ito ay may paparating pang ibang bagyo na may iba’t ibang hagipit at lakas na tinataglay. Mas mabuting maging handa, maingat, at alerto ang bawat indibidwal sa mga sakuna upang maiwasan ang anumang epekto nito na makakasira ng kaniya-kaniyang pamumuhay.

     Sa madaling salita, ang bawat bagyong dumaraan ay hindi isang biro lamang. Lalo na ang bagyong Kristine. Ang bawat bagyo na dumarating sa bansang Pilipinas ay may kaniya-kaniyang lakas at partikular na lugar na naaapektuhan nang sobra. Maraming pamilya at estruktura ang naapektuhan dahil sa lakas na dinadala nito. Kaya’t kung maaari, panatilihing maingat at alerto ang bawat isa sa bawat sakuna.